- 32 -

1312. Jan. 21. Liegnitz.

Herzog Boleslaus verleiht der Kirche zu Heinersdorf drei Mark Zinsen auf drei Kaufkammern, zunächst der Peterskirche.

Im Namen des hirren das geschee, e das alle ding, dy do gescheen in der czeit, nicht vorgeen mit der czeit, pflegit man sy mit schriften vnd geczewge hantlangunge zcu stergken, dorumme wir Bonczlaw, von gotis gnaden herczog in Slesien vnd herre zcu Legnicz, allen vnd iglichin, dy idczund sint adir noch komen sollen, dy desin brif sehen werden, bekennen, das wir fleissiglich merckende vnser seien selikeit vnd auch vnser elderen vnd vordinstnisze vnd dinste, die vns Hartung Kewle vnd Jeschke von Perndorff ofte getan haben vnd noch tuen mogen, geben eigen vnd vorleyen drey marg vnser woren czinse off dreyen kawfkamern zcu Legnicz, dy do legin zcu neeste der kirchen zcu sand Peter, der kirchen zcu Heynrichsdorff im legnitschin weichbilde gelegin, czw besserunge der kirchen ewiglichin zcu gehoren vnd czu hebin, jerlich alle iare zcu erem gebende off zcu hebin vnd das soliche vnsere willige gobe durch vnsre nachkomelinge nicht sal gebrachin werdin vnd craft behalde vnd ewig togelichin bleibe, zo habin wir desin brif lossen schreibin vnd mit vnserm segil vorsegilt loszen werden, gescheen vnd gegebin zcu Legnicz, noch gotis geburt tawsund dreyhundert im czwelften jare am tag Angnetis, der heiligen iuncfrawen, do bey sind gewest dy nochgeschrebin geczewge, Bronislaus Busewoy, Heynrich von Landiskrone, Petir Hunderthube, Weyschko von der Roten kirchen, rittere, Hartung Kewle, Hans Rymberg vnd Johannes Slewszer, vnser hofeschreiber, dem desir brif zcu schreibin befolin wart.

O. d. St. L., No. 11. Auf altem Papier und ohne Siegel. Auf der Rückseite von alter Hand; Dy Copia von Heynirsdorff

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866